 |
| Hinulam nako ni nga piktyur kang Nong Google |
Gaina pag-uli namo gikan sa Reno (nakadayon ra gyud intawon mi ug adto, salamat sa Ginoo), natingala mi kay naa may mga sakyanan sa Police nga nakapark sa tapad sa among balay (ang tag-iya sa Cherry nga gibuot-buotan ug harvest namo sa akong mga Pinay friends ngari.) Sigurado ko nga dili medical emergency ang nahitabo kay wala may ambulance. Sa akong huna-huna basin naay giaresto or kaha basin naay gipusil. Speaking of pusil, diri sa Nevada legal kaayo ang mag-angkon ug armas bisag unsa pa ka daghan basta wala lang kay mantsa sa balaod, bisag isa pa ka kwarto sa kadaghan wala gyuy problema.
Kining naanad ta sa Pinas nga manghearing gyud dayon, nideretso ko sa among kwarto, akong giabrihan ang bintana bisag tugnaw ang hangin sa gawas unya ako dayon gipataas ang radar sa akong dunggan kay dungog man nako ang ilang tingog pero kay eninglish man lagi, wala koy nasabtan gyud kay morag gilamo2x ra man to nila ang words. Wala gyud ko nahiluna. Di pod ko mogawas uy kahadlok, hehehe! Kabalo ko nga dili gyud na moadto si Ricardo para mosusi pero ako siyang gikomedyahan, "Mahal can you go over there to check what is going on?" Pirti nakong katawa sa iyang reaksyon ug tubag kay grabe ka tininuod, "My God Mahal, this is America. We don't give a "crap". We mind our own business. We didn't even know the names of our neighbors."
Gitestingan ra nako to siya kung unsay reaction niya. Mao gyud bitaw diri, way silinganay. Kintahay paggawas nimo habang nagdrive ka sa sakyanan unya naa ang silingan sa ilang tugkaran, mowave lang ka nga simple ra, medyo ipataas lang gamay ang kamot habang naggunit sa manibela, ingon ana ra diri. Walay uso diri ang maglaag sa silingan so unsaun nato pagkabalo sa ilang pangalan. Mao siguro nga ang mga bata diri ginatudluan gyud pagtawag sa 911 kay aron naay motabang in case of emergency. Sa ato sa Pinas kay siyagit man gyud dayon ta ug, "Tabang mga Silingan!!!" Pero diri, pastilan paita kay maugtoy lang gyud ta nga mag-inusara.
Hangtud karon wala gyud koy idea unsay nahitabo sa among tapad sa balay. Bitin kaayo, hehehe!
hehe nagkatawa ko sa imong gi post Bechay :D..lahia ra gyud dinha no? kay dire sa atoa sa Pinas kay maskin naa pa sa pinakatumoy na bukid atong balay kay makaila raman pud ta sa mga silingan..ako pud na curious sa nahitabo sa imong silingan...wala man lay gamay chismis?
ReplyDelete^ Hehehe, mao gyud, lahi ra kaayo sa ato. Wala gyud koy nasagap nga chismis kay unsaun man lagi nga wala man poy mochismis. Kung diha pa sa ato kay tapukan man gyud dayon, pila ra ka minuto, tibuok katawhan na ang nakabalo :)
ReplyDelete