Naa Daw Bayle!

Before mi niadto sa church ni Ricardo tung niaging Dominggo, namahaw sa mi daan,  unya kay gusto man niya ug Mexican food mao niadto mi sa Chihuahua's Grill. Paborito namo ni nga Mexican Restaurant.

Pagpadulong namo sa pultahan human kaon, mao ni ang nisugat sa akong panan-aw kay gipilit gyud na siya sa atubangan sa pultahan, dili gyud pwede nga dili nimo makita ig pagawas na. Gipiktyuran dayon pagkabasa nako sa word nga "Baile". Grabe nakong katawa kay uso pa diay ang bayle sa mga Mexican, nyahahaha!

Unya akong gibuot-buotan ug translate, "Dakong Disco para sa Valentine's Day, Sabado, February 11 sa Fairgrounds". Unya ambot unsa ng "proximamente mas" ... information ra akong nasabtan, hehehe! Pirting biliba ni Ricardo sa ako kay nakasabot daw ko, hahahaha! Ug akong nadiscover nga ang word nga "bayle" nakuha diay nato gikan sa kaparyentihan ni Magellan.

Ug lain pay ato, nakadumdum na nuon ko sa word nga "poluho", (ambot mao ba na ang insakto nga spelling), kanang tapulan in other word,  gikan diay pod na sa lahi ni Magellan, ang ilang pagpronounce lang ngari is  "flojo". Pero basin matingala mo nga gikan man sa Spain si Magellan unya lahi ra man ang Mexico. Nakaistorya ko ug Mexican kauban nako sa work tung una nga ang Mexico diay gisakop pod na sa mga Spaniards. Nakaagi pod diay sila sa kabangis sa lahi ni Magellan.

Mao na lang sa to kay basin ug motaas pa ning atong kukabildo naingon na ta ani  ug naay Spanish tutorial with matching history class sa Mexico, hehehe!

Salamat sa paghapit!

Tampalasan Nga Anak!

Photo courtesy of Motherrrdotcom

Unang-una dili akong anak ang tampalasan, hehehe. Nagpasalamat ko kang Lord nga dili tampalasan akong mga anak, bisag pwera buyag ilang inahan tung una, tung-una ra to ha, lahi na karon. Ahem.

Gaina nagdinner mi sa akong mga Pinay friends ngari (Nathalie, Emz, Yuny and Pinky), naghisgot2x ug bisan unsa hangtud niabot sa mahitungod sa mga anak. Ug nishare si Nath nga naluoy daw siya sa amiga sa iyang stepdaughter nga intawon nagpasko sa sulod sa presohan tungod kay gidemanda sa iyang anak.

Ang istorya daw, kadtong bataa nakigtaban sa iyang boyfriend unya niadto sila sa lain States. Karon nagkabulag man sila sa iyang bf  so nibalik ang bata sa ginikanan. Problema ning bataa sa ginikanan kay paeskwelahon dili moeskwela, wala gyud gani nakahuman ug hi-skul, unya nakakita ug trabaho isa ra pod daw ka adlaw dili na motunga pagkaugma. Pag naa sa balay dili motabang paghipos2x. Barkadista. In short, buluyagon gyud bataa. Kunsumido kaayo ang inahan ug gibuhat na niya ang tanan para mabut-an na gyud unta iyang anak pero wala gyuy kabag-uhan.

Kadtong Disyembre 24 sa gabii, gusto daw molaag sa town tung bataa kuyog iyang mga buluyagon pod siguro nga mga amigo ug amiga, wala daw gitugutan sa inahan. Unya kay di man gyud papugong, motuman man gyud, wala na kaagwanta ang inahan, iyang gibira ang braso sa bata ug nakambrasan gamay kay tag-as man ug kuko ang inahan. Ug sa walay pagduha-duha, tawag dayon sa 911 ang bata. Ug gidakop ang inahan, preso dayon deretso so mao didto siya nagpasko sa presohan. Mora gyud ug gikumot akong dughan sa istorya ni Nathalie. Pastilan nga anak, walay kasing2x. Sala baya gyud niya.

Karon ang inahan dili na makaduol sa bata kay naay gipagawas sa korte nag dili siya pwede moduol sa iyang anak. Siguro lipay kaayo ang anak nga wala nay makapugong sa iyang gusto buhaton sa iyang kinabuhi. Mao nay giingon nga, "Ngit-ngit pa sa alkitran" ang future atong bataa. Tsk tsk tsk!

Mao nay nakaparat ngari, manggara ang mga bata, kusog mosukol kay dili man sila pwede makambrasan man lang, taman na lang ka sa pagkagot sa imong ngipon kung masuko ka sa imong mga anak kay sila man maoy dapigan sa balaod. Haaay.

Nah, mao na lang sa to. Sa sunod na pod natong kukabildo :)

Kitakits ug salamat sa paghapit!

Nawad-an ug Iring!



Salamat kang  Mr. Google sa hulagway

Nagtan-aw ug TV akong bana sa sala samtang ako nia sa computer sa dihang nitingog ang doorbell. Ding dong! Ding dong! Alas 8:25 sa gabii na pagtan-aw nako sa oras nga naa sa computer. Sa akong huna-huna "Kinsa man intawoy moanhi sa among balay aning orasa?" Nihunong ko kadali tapos nadungog nako akong bana nipaingon sa akong nahimutangan, nihangyo nga ako ra daw abri sa pultahan kay naka boxer ra siya kay padulong na man matulog. Nisilib sa ko sa bintana, babae nga naa sa mid 50s siguro ang edad maoy akong nakita, abi gani nako ug si Brenda. Putos iyang lawas ug winter clothes pati iyang ulo kay grabe gyud katugnaw sa gawas.

 Pag-abri nako ingon niya, "Hi, I'm looking for my cat. I thought I heard a meow in your garage, do you mind if you check  your garage for me?" Iyang  panagway ug tingog mora siya ug nawad-an ug anak, dili iring. Akong tubag, "Just  a second, I will go check it for you", ug sa kusina ko niagi ug akong gipasiga ang garahe, pirtiiing tugnawa gyud, grabe. Akong giabrihan ang garahe aron akong ipakita sa iya nga walay iring, pero nakadungog ko ug meow. "Hala, morag naa gyud diay", sa akong huna-huna. Nadungog pod diay to sa babaye, ingon niya, "I think she's at the back!" Excited kaayo iyang tingog, dali2x siya paingon sa likod. Ako dayon gipasiga ang suga sa likod. Ingon ko, "Please be careful!" kay naay snow didto nga nituskig na sa katugnaw, danlog na mao delikado kung dili magcareful pagtamak kay ma-slide gyud.

Pag-abri nako sa pultahan sa likod, naa gyuy iring! Itom ang color, grabeng dagan while ang babaye sige ug tawag sa pangalan sa iring pero natingala ko kay ang iring wala gyud naminaw sa iya. Sige pod ko ug tudlo, "she's running over there!" ambot kung babae ba kaha tung iringa, hehehe!

Pagkakita sa babaye, ingon niya, "No, that cat is black. Mine is white. Her name is Diamond". Naluoy gyud ko sa ugis kay nagkurog2x na gyud siya sa katugnaw kay kinatugnawan gyud kaayo, hasta ako nagkurog2x na pod. Nagpadayon siya ug lakaw didto sa among koral sige tawag, "Diamond... Diamond... please come home baby..." Nisulod na lang ko kay di na maantus ang katugnaw, ako lang siya gisilib sa bintana hangtud nga nibalik na lang siya sa iyang agi. Wala gyud niya nakita ang iyang iring. Diri ra ba gyud sa US kay part na sa ilang family ang pet like iro ug iring. Maayo unta ug nakita na to sa babaye ang iyang iring kay aron dili na siya maexpose sa katugnaw sa gawas. Intawon pod. Tsk tsk tsk!

Mao na lang sa to. Mohigda na ko kay kining akong ugis pod dili matulog kung di taparan, magliraw2x pa ang mata sa TV, dapat matulog na siya kay 2am momata na na gyud siya kay day-shift siya karon. Pagmohagok na, hinay2x dayon ko ug bangon kay motan-aw pa ug sa Dulo ng Walang Hanggan ug ang Chief Justice on Trial, hehehe!

Babush!

Nakalugsong Ra Gyud!

Pirti nakong lipaya nga nakadayon ra gyud mi sa Reno intawon, salamat sa Ginoo. Nakapalit si Ricardo ug  piyesa sa laing tindahan nga available na dayon bahala medyo mahal2x ang presyo. Ug Praise the Lord gyud kaayo kay grabe ka nindot ang weather, walay tugnaw sa gawas so nataud gyud ang piyesa atong adlawa. Naningkamot ang ugis kay wala na man gyud koy tingog2x ug nagsige ra gyud ug tulo akong luha. Siya daw kuno'y walay kaon2x lalim ba.

Anyway, dili man gyud daghan akong ginapalit kada adto namo sa Reno kay ako ra baya isa ang mokaon, kanang tama-tama ra pod mahurot until sa sunod na pod namong sked pag-adto. Isa pa, kay kung daghanun morag mawad-an nuon ko ug gana moluto. Gawas ana, kuan pod.. kay aron naay rason nga makalaag na pod atong dakong siyudad, hehehe!

Wala mi niadto sa Manila Hongkong, didto mi sa International Market instead. Nindot didto kay daghan mapilian. Naa gani didto bisaya nga manok, matud pa ni Ricardo "skinny" chicken daw. Puro bukog ra daw tan-awon, hehehe!

Mao ni akong napalit:

Tiil sa Manok

1kg. Tahong  (wala nay taklob) - $7.25

Pancit Canton- $2.99

Sotanghon noodles- $.59

Shrimp- $7.48

Caldereta Mix- $.99

Tanglad- $.96

Pampano Fish- $5.98

Dry Peas- $.49

Galunggong- $4.25

  

Bangus- $5.11

Tapol nga Pilit ($1.60/lb) - $1.55

Sinigang Mix (2) $.60 each

Spaghetti sauce- $2.99

Toyo - $2.29

Kataw-anan kaayo kay pagpunit nako sa tiil sa manok, nisiga ang mata ni Ricardo kay unsa daw makaon sa tiil, hahaha! Ingon ko nga naa man kahit papaano. Nisuggest siya nga mas maayo pa daw paliton ang skinny chicken kay morag naa pay makuha gamay kaysa mga tiil, grabe gyud nakong katawa. Mabuang ko sa akong bana. Pagkahimos na lang!

Mao ra gud na tanan akong napalit. Si Ricardo pa, "Is that all Mahal ko?" Mas dako pa daw ang gasto sa gasolina sa sakyanan kaysa akong mga pinalit. Naa man mi biyahe sa Arizona karong 3rd week ani nga bulan pohon2x, God willing. Magfly man mi via Reno so palit na pod ko. Akong plano mga gulay na pod. Wala man gud silay presko nga gulay pag-adto namo.

Siyempre hayag pa sa sinag sa adlaw akong aura sa among lakaw. Samtang nagbiyahe mi pauli, ingon akong bana, "I'm glad that you're happy now. You get so crazy when you are not."

Harharhar!

Mao na lang sa to.

Tsika2x ra ta utro.

Babush.

 

Way Silingan

Hinulam nako ni nga piktyur kang Nong Google

Gaina pag-uli namo gikan sa Reno (nakadayon ra gyud intawon mi ug adto, salamat sa Ginoo), natingala mi kay naa may mga sakyanan sa Police nga nakapark sa tapad sa among balay (ang tag-iya sa Cherry nga gibuot-buotan ug harvest namo sa akong mga Pinay friends ngari.) Sigurado ko nga dili medical emergency ang nahitabo kay wala may ambulance. Sa akong huna-huna basin naay giaresto or kaha basin naay gipusil. Speaking of pusil, diri sa Nevada legal kaayo ang mag-angkon ug armas bisag unsa pa ka daghan basta wala lang kay mantsa sa balaod, bisag isa pa ka kwarto sa kadaghan wala gyuy problema.

Kining naanad ta sa Pinas nga manghearing gyud dayon, nideretso ko sa among kwarto, akong giabrihan ang bintana bisag tugnaw ang hangin sa gawas unya ako dayon gipataas ang radar sa akong dunggan kay dungog man nako ang ilang tingog pero kay eninglish man lagi, wala koy nasabtan gyud kay morag gilamo2x ra man to nila ang words. Wala gyud ko nahiluna. Di pod ko mogawas uy kahadlok, hehehe!  Kabalo ko nga dili gyud na moadto si Ricardo para mosusi pero ako siyang gikomedyahan, "Mahal can you go over there to check what is going on?" Pirti nakong katawa sa iyang reaksyon ug tubag kay grabe ka tininuod, "My God Mahal, this is America. We don't give a "crap". We mind our own business. We didn't even know the names of our neighbors."

Gitestingan ra nako to siya kung unsay reaction niya. Mao gyud bitaw diri, way silinganay. Kintahay paggawas nimo habang nagdrive ka sa sakyanan unya naa ang silingan sa ilang tugkaran, mowave lang ka nga simple ra, medyo ipataas lang gamay ang kamot habang naggunit sa manibela, ingon ana ra diri. Walay uso diri ang maglaag sa silingan so unsaun nato pagkabalo sa ilang pangalan. Mao siguro nga ang mga bata diri ginatudluan gyud pagtawag sa 911 kay aron naay motabang in case of emergency. Sa ato sa Pinas kay siyagit man gyud dayon ta ug, "Tabang mga Silingan!!!" Pero diri, pastilan paita kay maugtoy lang gyud ta nga mag-inusara.

Hangtud karon wala gyud koy idea unsay nahitabo sa among tapad sa balay. Bitin kaayo, hehehe!

Hilak sa Tago

Nakatulo gyud akong luha karon kay excited na unta kaayo ko moadto sa Reno pero dili madayon kay ang among sakyanan naay deperensya. Siyempre before molarga icheck man gyud ang car kung ok ba ibiyahe. Okey ra man unta kung naa dayon available nga piyesa sa tindahan ngari pero wala, orderon pa kuno online unya ugma pa sa udto madeliver. So kung moabot ugma sa udto, itaud pa, basin mahapunan na gyud kaayo so wala na tay time moadto sa Reno, ngit2x na man diri ang alas 5:00 unya igka next day work na pod siya. 

Wala gyud sala akong bana pero ako gyud siya nasinghagan, wala pa baya siyay tulog kay nagwork siya kagabii pero was ko paki. Nindot kaayo i-wild gyud, as in. Nagkutoy na gud akong tiyan kay since kagahapon, tubig lang ug Pringles ang sulod kay tib-on ra lagi karong adlawa ang kaon, ang akong plano, adto ra ko sa Manila-Hongkong Kitchenette mokaon ug taman. Unya ang nakaparat pa gyud kay wala na koy Pinoy foods diri, ang nabilin na lang kay ang bulad nga pinikas na lang gyud. Pirti na ra ba kintahay nakong nilistahay sa akong palitonon gabii. Unya nakapareserved na ko ug room sa Peppermill for 2 nights.

Hay kanindot na lang gyud isyagit. Pero dili na lang kay wala gihapon koy mahimo, ihilak na lang nako ni sa tago ug maghinay2x na lang ug init sa bulad nga nituskig na sa katugnaw sa ref. Ug tawagan na lang nako ang hotel para i-cancel ang reservation.

Haissst... Pagkaparat.