Inahan Gyud Kaayo

Labadami :)

Buotan kini nga pagka inahan kay naglaba gyud. Peke na? Hahaha!  Pirting paningkamot nako ana kay mga puti baya na. Isa ray de kolor, ug kanang isa trapo mao dili pwede isagol. Hassle lang gyud kaayo maglaba kay sa gawas man gud unya ang hose pod samok kay moagi sa sala.

Ang regular nga tiglaba sa sinina sa akong mga anak wala nitunga kay nakasala ug wala na nagpakita so nagdecide ko nga ako na lay molaba kay makagamit man sa washing machine sa akong pinakakusog nga cousin nga si Carol nga naa ra pod nagpuyo sa sunod nga door. Unsa ba nga pirti man pod ka tayming nga naguba, wala na nituyok, kanang naay nagsiwil makita gamay mao na ang washing machine, wala gyud koy nahimo nabasa na man ang mga sinina, naglaba na lang gyud ko ug kinamot.  Ok na lang pod sa ako kay naanad man lagi ta.

Pero sa sulod sa hapit isa ka bulan nga nilabhanay, nagkadugo2x na gyud ang wala nako nga pulso tungod sa sige ug kuso ug tungod pod siguro sa sabon nga akong gigamit. Hapdos gyud kaayo.

Aguy, wala man diay ko kapangutana sa akong mga anak kung kinsay tiglaba nila karon! Budgetanan pa man diay sila ug washing machine, tsk tsk tsk!

Dinhi na lang sa ta taman. Sunod na pod :)

Kutob na lang sa Tan-aw

Saging

Lato. Slurrp.

Kinilaw

My favorite ice cream flavor

Sinabaw nga bukog sa baboy

Okra

Mangga

Nangka

Hala, dugay2x na man diay ko nga wala nakapost aning bisaya nako nga blog. Tsk tsk tsk! grabe gyud nako kabusy kintahay. Gelang, dugangan pa nako ni para pod dili laay kung naay mobasa.

Lain pay ato, mao na akong nakaon tong niuli ko sa Pinas atong niaging bulan. Daghan pa unta pero wala na nakuhaan ug piktyur.

Makalaway.

Makagutom.

Sunod na pod nga uli in God's time.

Haay... Life. Dili Masabot.

Sayo kaayo ko nimata kagaina, mga alas dos-imedya, Nevada time,  ug maoy nisugat sa akong mga mata ang balita about sa Tsunami sa Japan. Naluya ko nagtan-aw sa footage sa Tsunami nga gibanlas ang mga sakyanan, mga barko, mga buildings ug naa pay buildings nga nasunog, siyempre naa puy nabanlas nga mga tawo pod. 

So nakibalita ko online ug nibisita pod ko sa Dapar's Clan Group sa FB ug na-met nako si Rowena Dapar nga originally from Tubod ug nagkukabildo mi ug nakabalita ko ug mga bad news gikan sa iya about kang Uncle Loloy Dapar ug sa iyang pamilya. Ingon pa ni Rowena nga nagkabulag diay siya ug iyang asawa unya napreso diay si Uncle ug naa siya sa Iwahig nga Presohan kay nakadisgrasya/nakapatay sa iyang  kainom. Wala gyud dayon ko nakaget over sa balita. Haay.. Tung teenager pa ko, sige na siya hapit sa among balay ug sa balay sa akong Auntie everytime ma-assign siya sa bulawanan nga sakop sa silingang lugar namo sa San Francisco ug kapila gyud ko nakabisita sa ilaha  sa Cawilian, Tubod ug wala ko nagdahum nga maingon ana diay iyang kinabuhi. Nisubay siya sa dalan sa akong lolo Insoy, tsk tsk tsk!

hinulam ra nako ni kang Mr. Google nga hulagway

Nibalik ko ug higda kay basin makatulog. Pero wala gyud ko nakabalik ug tulog. Nagbalik2x sa akong imagination ang nahitabo sa Japan ug sa among chat ni Rowena. Gibati ko ug kalaay, emptiness... sagol2x ang naa sa akong huna2x. Bisag unsa na lang nisulod sa akong utok. Mora ko ug na home sick.  Nagluya gyud ko.

Hangtud niabot akong bana mga alas siyete sa buntag kapin. Naabtan ko niya nga naghigda2x nga blangko  ang expression sa akong dagway. Usually, pag day-off nako unya siya gawork, mag stay ra gyud ko sa sala aron mosugat ig-abot niya pero karon wala ko nisugat niya.  Akong bana nga buotan nag ask, "Hi Mahal,  good morning, how are you?" Ug wala nako kapugngi akong luha. Nidanguy-ngoy jud ko ug taman2x morag bata. Pirting kurata sa akong bana. Ingon niya, "My God Mahal, are you having PMS? Are you ok? What happened? Do you want to go out for breakfast?" Ingon ko, "I am feeling bored! I hate this place, I hate this place! I want to go home! I want to eat Filipino foods! There is nothing here!" 

Ambot nganong mao nay akong giingon niya, nahimutang na nuon nga gigutom ra ko. Pero tinuod jud nga gimingaw ko sa atong pagkaon. Naa mi daghan pagkaon diri pero nangita gyud ko ug bulad ug ginamos, nahutdan na gyud mi! Pinakadako jud na nga problema namo ng mahutdan, tiaw ba! Cool ra kaayo ang bana bisag nilagpot na akong laway sa iyang dagway pagsiyagit2x nako. "Do you want to go to Salt Lake City now?  I am sure they have bhulad  (bulad) there. I know you don't like to go to Reno. You and the kids said you are tired of that place."

Nagpadayon ra gyud ko ug danguyngoy. Akong bana nag-atong ra gyud sa ako, wala siya kahibalo unsa iyang buhaton. Daghan siya mga pangutana nga basin gusto ko ug mao ni mao na. Hangtud nakahisgot siya ug "anchovies".  Ug nakadumdum ko nga tung didto mi sa Lake Tahoe, nakakaon ko ana kay nakita nako sa salad bar, mora siya ug ginamos sa ato, kanang bulinaw nga isda nga sinabado ang pagka gamos, ug walay ulo ug bukog pod. Ug niyango ko. Pirti niya kalipay nga niyango ko. Nilakaw dayon siya sa store para magpalit.

mao ni ang gipalit sa akong bana gaina

Pag-uli niya giinit dayon sa akong son ang among rice nga naa sa ref ug pirti nakong kaon. Nahurot nako ang gamay nga lata. Medyo oily siya kay in olive oil man pero grabe gyud nakong kaon.  Nagkinamot ra gud ko  ug hapit nako nahurot ang kan-on nga gisulod sa plastik nga butanganan. Gikutasan ko sige hilak, hehe! Pagkahuman nako ug kaon, ingon dayon ko sa akong bana, "I finished the whole can." Ingon niya, "Are you happy now?" Ug naulaw gyud ko, haha!

Lisod ning layo ta sa atong naandan kay usahay matingkuling atong ulo, hehe!

Bow.

Ug Nashocked akong Beauty!

mao ni akong dagway pagkakita nako sa akong nakita =)

Kung nakabasa mo sa akong gipost dati nga naay tawo nga akong gikalagutan kay manawag for a wake up call bisag dili siya guest, mao to siya ang akong subject karon, hehe, subject man gyud.

Anyway, last week, dako ang nganga sa akong baba pagkakita nako sa iyang dagway nga posted sa site sa mga sex offenders. Eww!   Diri sa US man gud naay site sa mga sex offenders para ma aware ang mga madlang pipol. Ang  sex offenders pareho ra na sa ginaingon nga sex abusers, in short, PERVERTS. Kana sila ang mga tawo nga rapists, kanang mga tao nga ga-encourage ug "sexting" sa mga menor de edad, kanang mga tawo nga proven nga mahilig magtan-aw ug child porno in short pedophiles, etc. Kini nga klase sa tawo, forever na gyud na sila nga naa sa site once nga convicted nga sex offender, ug bisan asa siya moadto sa lain nga states, moparegister gyud siya sa site sex offenders sa states nga iyang gibalhinan kay kung dili, mag atubang gyud siya ug dakong kaso in the near future.

So diri sa Nevada, ang site is http://www.nvsexoffenders.gov/

Ug kataw-anan kaayo kay pagka taud2x, niabot ang pervert, dako kaayo ang smile ug niingon, "Hey Beth, how is it going?" Mora ko ug kadaganun pagkakita niya, dili tungod kay akong nakita iyang nawong sa Internet, tungod kay kabalo na ko sa iyang tuyo, of course dili pa wake-up call kay gireport na man nako na nako na siya sa management dati, kundi tungod sa... mga junkmails, bank statements ug mga resibo nga iyang ipa-shred sa among shredder, diri baya sa US kay uso ang ginaingon nga "Identity Theft" mao need gyud kaayo ang shredder diri. Nagwork man unta siya sa mine nganong dili man gyud siya makapalit ug bisag gamay lang gud pareho sa amo basta naa lang juy magamit. My goodness, kabaga na lang jud sa iyang fez!  Grrrr!

Mao ra to, hinaut unta nalingaw mo sa akong gipost karon, ug nalearn pod gamay.

 Babush!

Walay Puangod, bow!

Kagabii naay babae ug lalaki nga medyo edaran na, siguro naa sa early 50's sila, nihangyo sa ako magtawag ug taxi kay pahatud daw sila sa ilang girentahan nga hotel. Unya kay Sabado man lagi daghan mga hubog ug mosakay na man lang ug taxi kay kung masakpan nga nagdrive under the influence sa ilimnun nga makahubog, aw, impas man gyud  sila, hinay ra ang punishment nga maangkon, so busy ang nag-inusara nga taxi sa among maidlot nga lugar. Ingon sa driver mga tunga pa daw sa oras adisir niya masundo ang mga pasahero nga nagpatawag.

Kasagaran maniga jud ang mga mata sa hubog kung pahulaton pa sila ug ingon ana kadugay pero kagabii kalma lang ang duha, ang lalaki ra man pod ang medyo hubog. Buotan kaayo ang babaye nga nag thank you sa ako.

Nabusy pod akong beauty sa paperwork so nilabay ang tunga sa oras, niduol sa ako ang babaye ug niingon, "Hey, have you seen the guy I was with earlier? I couldn't find him. He was my boyfriend." Wala ko nagdahum nga boyfriend ra diay to niya, abi nako iya tong bana. Nakadumdum ko sa taxi ako siya gipangutana, ingon niya wala pa daw. Gitawagan nako kay basin nakalimot ang driver sa kadaghan niya nga pasahero. Ingon ang driver human na daw gisundo ang pasahero. Naglibog ko kung kinsa ang nisakay sa taxi. Akong gipahibalo ang babaye sa giingon sa driver, ug kadto pa siya nakarealized nga gibiyaan  diay siya sa lalaki. Wala lang diay siyay kalibutan while nag-ingkod2x sa atbang sa desk nga nisutoy na diay ang tawo. Ngek!

Naluoy ko sa iya, ako  na pod gitawagan ang taxi driver, tunga na pod sa oras ang ingon. Akong giingnan ang babaye nga way puangod iyang boyfriend, inshort BASTOS. Dili nako maimagine nga nakaya sa lalaki nga gibiyaan siya. Wala ko nagdahum nga mohilak siya.  "I've been putting up with him for four and a half years...  He treats me like crap every time he gets drunk and when he is sober he will beg and promise me not to do it again. He was my first boyfriend since my husband passed away"...  Sus, nakatulo jud akong luha!  Ug niandar akong pagka miyembro sa GABRIELA ug nihirit ko, "You know what, "I had an ex-boyfriend like him before and my life was in hell so I can relate your feelings now. You are such a beautiful lady, (tinuod gyud) why don't you dump that assh*le? You deserve someone better, trust me." Kusog na ang tulo sa iyang luha ug nikanat na ang mascara sa iyang aping, nisamot akong kaluoy niya. Mora pod ko ug correct, haha!

Ug daghan pa mi naistoryahan, taga South Dakota siya ug nianhi siya sa Winnemucca kay gi invite siya sa iyang boyfriend nga magstay for 1 week. Morag dugay2x na jud iyang pag antus  siguro kay morag naninuod na man  jud siya nga dili na siya mobalik ani nga lugar. She have had enough na daw.

Well,  I hope nga firm na gyud iyang desisyon ug dili na siya magpatunto sa iyang boyfriend. 

Salamat sa Ginoo nga dili ingon ana akong himos nga bana, aw, kung ingon ana siya tingala man ko ug magpabilin pa ko sa iyang  kiliran, haha!

Piktyur2x na pod ni Jen

Kadtong Labor Day weekend nanglaag akong anak ug iyang Daddy sa Tri-county Fair ug akong gitugon nga magkuha ug hulagway kay aron makakita pod ko kung unsay naa didto. Hanap ang mga hulagway nga nakuha niya, isa ray medyo klaro, hehe!

Kini ra jud :D



(Oisst!)

Mao na sila ang future Mr. and Ms. Rodeo Nevada, hehe!

Ako na lang pod iapil ning piktyur sa Peach, gamay ra jud ni siya nga punuan pero grabe ug bunga, akong naobserbahan diri ngag wala silay paki-alam sa ilang prutas kung namunga ba or dili, hangtud mahurot na ang ug katagak. Dili pod mi maglaway ani kay morag dili man lami tan-awon, wala pa jud ko sukad katilaw ani nga prutas jud. Wala juy makalabaw sa atong prutas :D



Peach fruit (sa silingan)

Kita-kits sa sunod nga post.

Babush...

Oooops!

Dugay2x na ko wala nakapost ani nga blog dah. Medyo ubay2x na pod ang mga panghitabo nga ako unta i-blog pero gibati ko ug katapol sa niaging mga adlaw. Ako na lang ipost karon ang akong nadumduman.

Mao ni akong dagway pag saputon, lol!

Gisapot ko tong niaging semana kay naay kustomer ngari nga baga kaayo ug nawong, as in. Tiaw mo, dili siya guest ha pero sige siya manawag sa ako kay magpa wake-up call! Super kabaga jud! Kada kadlawon naa jud na siya diri sa hotel mamahaw sa restaurant. Sa una ok ra sa ako kay morag amigo2x man kintahay mi, mohapit siya sa front desk magsige ug burit, ipanghambug niya iyang GF nga Mexican nga lami daw kaayo moluto ug Chili, etc. Sa ikaduha niya nga tawag morag naglagot na ko, sa ikatulo na naglagot na jud ko so gireklamo na nako siya. Ug gitawagan siya sa management aron maundang. 

Sukad siya gitawagan dili na gud siya moagi sa front desk kada adto niya sa restaurant. Imagine ha, maayo man ug guest siya kay ako ra i-set sa among alarm clock system then automatic na dayon nga mo-ring ang phone sa guest kung oras na, pero sa iya ako jud i-set ang alarm sa akong cp para lang jud di ko kalimot, grrr! Maayo na lang gani nasulbad na ug kahibalo ko nga dili na jud to mahitabo utro.





tawon pod si Manong

Ug gaina taud2x lang gyud, nag check-in ko ug guest nga naay problema sa pandungog. Pag-ingon pa lang nako ug "Hi, may I help you?" ingon na dayon siya nako nga bungol siya mao kung pwede akong kusgon akong tingog, hehe, tawon pod. So tingala akong kauban sa Cage kay nganong nikusog akong tingog, lingi gud ang tao nga nagdula atbang sa front desk. Ingnun unta nako ang guest nga magbuy ug hearing aid kay aron dili siya magproblema ug apil pod iyang kaistorya pero basin malain siya ug medyo lain pod kung madunggan sa mga pipol, hehe!


Salamat sa paghapit.