Maayong adlaw or maayong gabii ba kaha kung asa man ka karon dapita ug salamat sa imong paghapit.
Medyo gilumutan or gibalayan na ni ug damang kining akong kukabildo blog mao naka huna huna ko nga magtype para mawala ang mga lumot, cob webs ug uban pa.
Kaila mo aning Eric Dane? Usa siya ka actor nga bag-o lang siya nawala sa kalibutan, niadtong petsa 19 sa Pebrero ani nga tuig, tungod sa sakit nga ALS or Amyotrophic Lateral Sclerosis. Kung nagatan-aw ka sa TV Series nga "Grey's Anatomy", sigurado ko nakaila ka kung kinsa ni si Eric Dane. Para nako siya ang pinaka gwapo nga doctor ana nga show. Ug kung nakabasa ka sa libro ni Mitch Albom nga "Tuedays with Morrie" (nga grabe gyud kadaghan luha akong nausik), nakabalo ka kung unsa ni nga sakit ang ALS.
Ang atong kukabildo karon mahitungod ni sa iyang mensahe o gihabilin para sa iyang duha ka anak nga babaye, ang maong mensahe gisapubliko human siya nawala ning kalibutan. Gusto nako nga ishare ni kay para nako importante nga mas daghan kabataan o bisag mga edaran na ang makabasa ani nga mensahe ug basin diay makutluan ug pagtulun-an samtang nakigbatok ta sa atong adlaw-adlaw nga pagkinabuhi dinhi sa dili masabot nga kalibutan.
Mao ni iyang upat ka mensahe sa iyang duha ka anak:
1. Live in the "NOW".
Pagkinabuhi sa kasamtangan. Ang kagahapon human na, nilabay na ug dili na mabalik so magfocus sa kung unsa ang naa karon. Ayaw i-stress imong kaugalingon sa labihan pagplano or paghunahuna o kaguol, kabalaka para sa kaugmaon kay wala pay klaro kung naa bay ugma or kung maugmaan pa ba.
2. Fall in Love.
Pangita ug imong higugmaon, dili kinahanglan nga tawo, pwede hobby, trabaho, or pangandoy kanang gustuhon nimo nga mobangon sa panahon nga wala kay gana mobangon.
3. Find your people.
Pangita ug tinuod nga higala or amigo nga dawaton ka kung unsa imong pagka ikaw nga walay pagduda, walay paghusga, ug walay pangutana ug kinahanglan nga ingon ana pod ka sa ilaha.
4. Fight with Dignity.
Kinahanglan dili magpapildi sa mga klase2x nga problema nga moabot sa kinabuhi. Sukol nga hangad ang ulo ug naay dignidad.
Grabe ni ka powerful nga mga mensahe, pwede nato ni himuong giya sa atong pagkinabuhi.
Mao ra to. Salamat sa imong pakigkukabildo.
Lablab,
Bechay
No comments:
Post a Comment