Piktyur2x na pod ni Jen

Kadtong Labor Day weekend nanglaag akong anak ug iyang Daddy sa Tri-county Fair ug akong gitugon nga magkuha ug hulagway kay aron makakita pod ko kung unsay naa didto. Hanap ang mga hulagway nga nakuha niya, isa ray medyo klaro, hehe!

Kini ra jud :D



(Oisst!)

Mao na sila ang future Mr. and Ms. Rodeo Nevada, hehe!

Ako na lang pod iapil ning piktyur sa Peach, gamay ra jud ni siya nga punuan pero grabe ug bunga, akong naobserbahan diri ngag wala silay paki-alam sa ilang prutas kung namunga ba or dili, hangtud mahurot na ang ug katagak. Dili pod mi maglaway ani kay morag dili man lami tan-awon, wala pa jud ko sukad katilaw ani nga prutas jud. Wala juy makalabaw sa atong prutas :D



Peach fruit (sa silingan)

Kita-kits sa sunod nga post.

Babush...

Oooops!

Dugay2x na ko wala nakapost ani nga blog dah. Medyo ubay2x na pod ang mga panghitabo nga ako unta i-blog pero gibati ko ug katapol sa niaging mga adlaw. Ako na lang ipost karon ang akong nadumduman.

Mao ni akong dagway pag saputon, lol!

Gisapot ko tong niaging semana kay naay kustomer ngari nga baga kaayo ug nawong, as in. Tiaw mo, dili siya guest ha pero sige siya manawag sa ako kay magpa wake-up call! Super kabaga jud! Kada kadlawon naa jud na siya diri sa hotel mamahaw sa restaurant. Sa una ok ra sa ako kay morag amigo2x man kintahay mi, mohapit siya sa front desk magsige ug burit, ipanghambug niya iyang GF nga Mexican nga lami daw kaayo moluto ug Chili, etc. Sa ikaduha niya nga tawag morag naglagot na ko, sa ikatulo na naglagot na jud ko so gireklamo na nako siya. Ug gitawagan siya sa management aron maundang. 

Sukad siya gitawagan dili na gud siya moagi sa front desk kada adto niya sa restaurant. Imagine ha, maayo man ug guest siya kay ako ra i-set sa among alarm clock system then automatic na dayon nga mo-ring ang phone sa guest kung oras na, pero sa iya ako jud i-set ang alarm sa akong cp para lang jud di ko kalimot, grrr! Maayo na lang gani nasulbad na ug kahibalo ko nga dili na jud to mahitabo utro.





tawon pod si Manong

Ug gaina taud2x lang gyud, nag check-in ko ug guest nga naay problema sa pandungog. Pag-ingon pa lang nako ug "Hi, may I help you?" ingon na dayon siya nako nga bungol siya mao kung pwede akong kusgon akong tingog, hehe, tawon pod. So tingala akong kauban sa Cage kay nganong nikusog akong tingog, lingi gud ang tao nga nagdula atbang sa front desk. Ingnun unta nako ang guest nga magbuy ug hearing aid kay aron dili siya magproblema ug apil pod iyang kaistorya pero basin malain siya ug medyo lain pod kung madunggan sa mga pipol, hehe!


Salamat sa paghapit.

Nadaut ang Aircon!

Mao ni ang reklamo sa mga guests sukad pa kagabii hangtud nahuman akong shift

Pag-abot pa lang nako sa desk, nisugat dayon sa ako ang balita nga nadaut ang aircon sa tanan kwarto, bag-o lang jud daw pero ongoing na kuno nga gitrabaho sa Maintenance Dept. Whew, sulod sa almost duha ka tuig nakong work sa hotel, karon pa jud nahitabo nga nawad-an ug kabugnaw ang tanan mga kwarto sa tungang gabiing dako.. sa mga kwarto ra pod, ang uban part sa hotel walay apil. Sa akong huna-huna, "nah, mao na ni, magkabuang na pod ko ani ug explain ig naay moreklamo, hahaay."

Taud-taud niabot among isa sa mga maintenace guys sa swing shift nga nagkalisod2x ug bit-bit sa electric fans, ready na sa mga guests nga moreklamo. Mga lima ra pod kabuok, bag-o tanan. Nagpalit diay dayon sa WalMart kay open man 24 hours incase dili dayon maayo. Hmm.

Nakachecked-in dayon ko ug 3 ka guests, siyempre to the highest level jud akong explanation kay aron walay mahay pag abot sa kwarto pero perting baratuha ra among parenta kay tiaw bay walay aircon although gitrabaho na man sa maintenance. So kada tingog sa phone morag kadaganun ko labina kung mo apppear sa caller screen ang room number ug ang name sa guest. Sa kada napulo ka tawag, isa ra juy wake-up call ang tuyo, ang siyam pulos reklamo, waaah! Pagkapait! Maayo na lang naa poy bugnaw paminawon nga pagkareklamo pero kasagaran gyud medyo taas ang tingog, basin nakamata siguro sa kaigang pod ug kaha naalimungawan, hehe!

Ang mga reklamo:

"I am in Room 106, is there a problem in the airconditioning system? It is hot here."

"Hey, this is Mr. Brown in Room 282, there is no air here, I already opened the window but still it didn't help. I can't sleep! Can you guys do something about it?!"

"Hello! May I speak with your Manager? It is freaking hot here!"

"This is Room 233. The aircon is not working in this room, darn it!"

"Hello, there is no air coming out from the airconditioning system, I am sweating right now! I need to talk to the Management tomorrow!"  This is Mr. Black in Room 288!"

"It is very hot here! I should leave very early tomorrow but how can I sleep with this very hot room?! I should be compensated on this!"

"Hello, Beth, I have a complain, it is hot as hell here in Room 131!"

Blah. Blah. Blah. Blah. Blah!

Mora ko ug mabuang nga naminaw sa ilang mga reklamo, Ginoo ko, tabang!

Mao ni akong initial nga tubag:

"Sir, I am sorry to inform you that we are having problems on our aiconditioning systems tonight but the Maintenance people are working on it now".

Follow up nga tubag:

"I suggest to open the window, it might help Sir, it is only 70 Degrees outside."

"Would you like a fan Sir? I can send one for you in a minute."

"Sir, just come by the desk tomorrow morning and ask for the Manager."

Ug kung naay gusto sa fan, magkabuang pa ko ug hangyo sa among Janitor sa hotel, tinagsa akong Spanish sagol Eninglis aron lang jud mi magkasinabot kay pipila ra pod tawon ang English words nga nabal-an, for example: "Amigo, for pavor, bring this to Kwarto Dos Tres Tres, ok? Gracias, gracias amigo." Ug isulat gyud nako ang room number sa papel. Pastilan lagi, maghiki-hiki gud ug katawa ang among Cashier sa Casino :D

Ug wala gyud naayo ang aircon kay naay palitunon nga piyesa ug sa buntag na jud matrabaho. So hangtud jud nagbuntag ang ring sa phone. Tiaw bay kapin gatos ang kwarto.

Maayo na lang sayo akong relyebo. Abtik pa ko sa kilat nakahuman sa akong report ug ni clock-out dayon.

Bow :D

Pagka na Lang!

Bag-o lang ko nagcheck-in ug duha ka klase nga guests nga himos pod pwera buyag, aw dili diay duha kay wala diay nadayon ang isa :D

Ang isa ka guest, babaye nga grabe kadaghan ug alahas nga suot ug fashionista pod kaayo ug dating iyang panamit. Ambot pod kung ang iyang mga alahas genuine white gold ba ug diamonds kay dili man ko kamao modistinguish sa fake ug genuine. Dinhi man gud sa US, dili uso ang yellow gold. Ang uso diri white gold pero mubo ra ug carat with diamonds. Anyway, nagkuha siya ug room ug tungod kay late na man, ako siya gihatagan ug discount nga Business Rate. Pagswipe nako sa iyang Visa nga Credit Card, oopps, declined. So ako siyang giingnan. Ni-smile siya ug nagkuha ug lain nga CC sa iyang pitaka. This time, Mastercard na. So akong giswipe na pod, oooppps.. declined na pod. Kuntodo poised ra jud siya ug niingon, "I'm sorry. Please cancel my room". Ingon ko, "No problem". Pagtalikod niya nakadumdum ko sa salida nga "Confession of a Shopaholic" nga gitan-aw sa akong anak gabii nga ang bida sige ra ka decline iyang Credit Card pod :D

Ang ikaduha nga guests, super himos jud kay morag honeymooners, nagkamulo ko ug register sa name sa lalaki ug sa iyang Credit Card numbers, address etc., kamulo pod sila ug lips to lips sa akong atubangan, wala jud nakahulat nga moabot sa ilang kwarto. Pag ask nako sa telephone number maoy pag-ukang, tsk tsk! Taud-taud, niadto man ang babaye sa rest room nisekreto ang lalaki ug ingon sa ako nga dili to iyang wife, iya ra daw to nakuha sa lugar sa mga "babaye nga mubo ang lupad" matud pa. Proud pa ang kanahan, nindot duklon, gaupaw ra ra ba ang iyang agi.

Sabagay nagduda man ko nga dili to niya wife kay ang babaye tigulangon na unya ang lalaki medyo bata pa. Dinhi man gud sa Nevada ang mga babaye nga naa sa brothel o lugar sa mga bayaran nga mga babaye, medyo edaran na. Nakita nako na one time nga gi-feature sa TV, gi-interview sila, shocked jud ko kay mga tigulang na jud sila, kung ang ilang dagway ang basehan, ug personally akong tan-aw nila naa sa kwarenta anyos ngadto sa singkwenta anyos na sila. As in.

Kausaban

From

to

Morag pipila na ko ka adlaw wala nakasulat dah. Medyo okupado akong beauty tong day-off nako.Naghimo ko ug Special Achara. Nagluto ko pod ko ug Pinakbet, Bihon, ug Bulad ug akong gipalaag akong duha ka mga amiga nga Pinay sa balay para daghan  mi mangaon, maayo ning daghan kay bibo kaayo. Siyempre pirting busuga namo, pwera buyag, lahi ra jud ang busog kung Pinoy foods ang naa sa tiyan ikumpara sa American Foods, mas nindot ang paminaw, hehehe!

Anyway, akong giusab ang pangalan sa akong blog gikan sa "Kalandrakas ngadto sa Kukabildo"' kay akong nasusi nga daghan diay pareho ug title sa akong blog, ulahi na ra ba ko basin moingon sila nga copy cat ko :D

So mao lang sa to, nagpahibalo lang ko sa kausaban nga akong gihimo, kita-kits ta diri next time. Maayong Adlaw kanatong tanan!

Kagabii

Abi nako nga molabay ang gabii nga hapsay ang dagan sa hotel pero nasayop ko dah, tsk tsk tsk! 

Ang mga panghitabo sa nilabay nga otso oras :D

Alas dos sa kadlawon ni ring ang phone:

Ako: "Thank you for calling the **********, this is Beth , how may I direct your call?"

Kana: "Hello, no need to transfer my call, I need a cab, please give me the phone number"

Ako: "Just hold on a second, Ma'am"... (Sa akong huna-huna) Nabuing unsa may pagtuo sa babae sa hotel, phone directory? Nindot tubagon ug "What do you think of me?" Hahaha! Pero sige na lang kay kabalo man pod ko sa number sa taxi.

After a second

Ako: "Ma'am, the number is 623-1234"

Kana: "Oh thank you very much hon, you are awesome!"

Ako: "You're welcome!"

Alas Singko sa buntag:

Naay tigulang niduol sa Desk

Ako: "Good Morning!"

Tigulang: "Good Morning"

Ako; "What can I do for you this morning,Sir?"

Tigulang: "I got lost, I can't find my room"

Ako: (Sa akong huna-huna) Ayayay! Alzheimer case na ni.. "Ok, may I have your last name?"

Tigulang: "I remember my wife's name, Babe Anne Robbins."

Ako: "Good! I will check her name for you." (Gipangita nako ang pangalan sa In House list)... "You are in Room 125." (Gikuha nako ang mapa sa hotel ug akong gitudlo kung asa siya dapat moagi.)

Tigulang: "Please take me there, I might get lost again."

Ako: "Oh, but I can't leave the front desk, let me call the Manager on Duty to help you."

Tigulang: "Thank you very much."

Ako: "You're welcome, Sir" 

(Sa akong huna-huna) What if maingon ani pod akong maidlot nga bana? Kaluoy pod imaginon nga magkadiin-diin na lang intawon. Maayo lang unta pod ug dili niya makalimtan akong pangalan, impas gyud!

Alas Sais sa buntag:

Naay weird-looking nga kano niduol

Salamat Mr. Google sa piktyur ;)

Ako: "Hi, good morning, how are you today?"

Kano: "I am wonderful! How about you?

Ako: "I am good, thank you! Checking-out now?"

Kano: "Yes, I am in Room 282"

Ako: "You wanna charge it on the card Sir?"

Kano: "Yes, please. Are you a Filipina?"

Ako: "Yes! How did you know?"

Kano: "Because of your beauty and your accent."

Ako: "Oh, thank you.. but sorry I have a bad accent."

Kano: "You're accent is fine. I was married to a Filipina before."

Ako: "Was? meaning, you are not married with her anymore?"'

Kano: "Yes, because I am an ass hole."

Ako: "Oh, sorry to hear that. Please sign this paper Sir and here's your receipt."

Kano: "Thank you, you have a good one."

Ako: "You too!"

(Sa akong huna-huna) Mora man pod to ug kulang sa atiman sa lawas tong tawhana unya ang bungot pirting taasa na with matching tattoo pa jud all over his hands, hadlok tan-awon. Well, siya na mismo niingon nga ass hole siya.

Lima ka minuto adisir mag alas Siyete sa  buntag

(Waiting na lang ko sa mopuli sa ako ug nagpanikad na ko kay kaulion na.)

Naay babae, dili Amerkana  morag Indian  (native people sa US) iyang dagway:

Ako: "Hello! Checking out Ma'am?"

Babae: "This is the worst room that I have ever slept in my whole life! (Sabay labay sa key card sa akong atubangan)

Ako: (Hilabihan kakurat knowing nga ang hotel is the best hotel in town ra ba gyud) "So what was the problem?" Why did you not call the desk last night? We could have moved you to other room." (Pero kadumdum ko nga puno man diay mi gabii, wala nay kabalhinan pod.)

Babae: "In the middle of the night?! I won't call! The room was freakin' hot!"

Nagkabuang akong mata ug pangita sa Manager kay siya akong patubagon, pastilan kaulion na ra ba gyud kaayo ko, maayo gani kay niabot na akong karelyebo. Siya na akong gipatubag. Sa akong huna2x, na hala kamo ang dapat mag storya kay magkasinabot jud mo, hehe!

Wala na ko naminaw sa ilang diskusyon, naghimo na ko sa akong shift report dayon ug niingon, "Bye!"

Paggawas nako sa hotel, nakaginhawa ko ug dako!

Salamat sa Ginoo!

Sugarol

Pildi na ka Noy?

Klase-klase nga hulagway sa sugarol ang akong ma obserbahan kada gabii. Ang Casino floor kay atbang ra man gud sa Front Desk mao nga klaro jud kaayo ang mga pipol nga nagdula. 

Gaina mga alas kwatro sa kadlawon naay lalaki niduol sa desk, luoy kaayo ug dagway morag kulang na lang moluhod sa akong atubangan para lang makakuha ug Comp nga kwarto or "libre" nga kwarto kay kuno napildi daw siya ug dako ug wala na siyay kwarta. Taga Salt Lake City daw siya ug nihapit kay mamahaw lang unta pero natintal pagsugal. Ingon niya nagpabaga na lang jud daw siya sa iyang nawong kay unsaun man nga dili na daw niya makaya magdrive kay katulugon na daw siya kaayo unya wala na man daw siyay pangbayad sa hotel.

Napuslan pod iyang pagkabaga ug nawong kay naluoy ang among Big Boss nga gitawagan sa Manager. Nakalibre gyud ang tawo ug kwarto. Maayo na lang kay naay "No Show" nga guest, what if wala mi bakante nga kwarto? Asa kaha siya matulog nga walay bayad? Nah mao lagi kay palabi man ug sugal gud, tsk! tsk!tsk!

Nindot lagi ingnun ug "Mirisi nimo Noy!" pero unsa pod kahay ininglis aning "mirisi" no? Hahaha!

Nanindog akong Balahibo!

Puno na ang Hotel gabii pag abot nako mao wala nay hassle pag check-in or paghulat sa mga guests nga naa sa reservation list mao sayo ra ko nakasugod sa akong mga dapat buhaton. Samtang gahulat2x  ko sa report sa Restaurant ug sa Bar, nag kukabildo mi tulo sa Cashier ug sa Manager.

Naghisgot2x mi mahitungod sa mga kwarto sa hotel unya kining among Cashier kay bag-o man, gusto unta mo tan-aw sa among pinakamahal ug pinakanindot nga kwarto pero halos kada gabii man lagi puno mao wala jud mi kalugar ug silib didto. Nakasulod ko anang kwartuha katulo na. Ang una kadtong gi-tour kunuhay ko sa hotel tung first day nako sa work. Ikaduha ug ikatulo, akong gisuroy ang dati nga Cashier ug dati nga kauban nako sa Front desk. Nindot jud kaayo, as in, naay living room, ang kwarto ug ang bed dako kaayo with matching Jacuzzi tub pa jud.

Ingon sa Manager nga ang tag-iya sa Hotel nakahisgot niya nga naa daw naghikog anang kwartuha pero mga napulo na ka tuig ang niagi, sa daan pa nga pangalan kay bag-o na man ang pangalan karon sa hotel. Giputos daw sa nagpakamatay iyang nawong sa morag shopping bag unya gihikot dayon para walay hangin makasulod pero before pa daw niya gihikot sa iyang liog, nitawag sa daw sa 911. Pag-abot sa mga Pulis patay na daw pero init2x pa. Pastilan pirting panlimbawot sa among balhibo uy! Ingon pa sa Cashier dili na lang daw siya motan-aw kay nahadlok na siya. Ako pod dili na pod ko mokuyog niya, sadangay man pod.

Dili ni akong bukton, gihulam ra nako ning pic kang Mr. Google :D

Kana ra bang kwartuha kay kasagaran mga Honeymooners ang garenta. Karong mga semanaha pulos jud bag-ong kasal ang nagstay didto. Waaah.. Kahadlok!

Nakalugsong (Part 1)

Mga duha ug tunga ka oras ra gud ang biyahe paingon sa Reno pero kini laging walay magdrive paingon didto mao nga dili gyud mi basta-basta maka adto didto. Mao pagmaka adto gani, makaingon gyud mi  nga "nakalugsong" :D

Pwede ra gud unta modrive si Jen ug si Jun kung paingon lang didto pero pag naa na gani sa syudad mismo, hadlok na kaayo tungod sa traffic nga makalilisang.

Anyway, siyempre niadto mi sa Filipino Store :D

Ug mao ni among napalit didto:

Tangkong: Presyo $2.57

Batong: Presyo $2.57

s

Dahon sa Sili: $2.89

Tanglad $1.97

Piattos: $1.99

Flat tops: $3.99

Manggang Hilaw: $5.98

Goldilocks: $12.95

Hotdogs:$11.19

Avocado:$3.69

$                                Saging: Presyo $2.59

Paliya: $1.97

Talong: $3.12

Karlang: $0.83

 Para sa achara: $6.99

Ang presyo nga nakabutang ana, mao na ang total nga akong nabayaran kada isa. Diri sa US nga presyo mahal na gyud na siya pero kung atong i-convert from Dollar to Peso samot jud nga mahal na jud kaayo.

Piktyur-piktyur ni Jen

Basta piktyur2x na gani, si Jen ang maayo mokuha sa anggulo para nindot jud ang pagkakuha. Ug siya pod ang alkansi kay dili man mi makamao mokuha ug piktyur niya.

Mao ni iyang "obra".

Nindot no?

Pangat

Isa sa namingawan nako nga pagkaon ang Pangat, morag "Pinangat" ang tawag ana sa uban. Ang abtik moluto ani si Mama ug si Jojie. Pag adto namo sa Reno gahapon, naay presko nga dahon sa gabi, naka tayming ko kay ang kasagaran man gud nga naa didto kanang uga nga dahon unya tinadtad na.

presko gyud no? 

Abtik kaayo ko naka-slice sa mga lamas

upat ra kabuok ang nahimo sa worth $4.56 nga dahon

 luto na :D

Pagtype nako ani wala pa nako natilawan kay morag nalanag pa ko sa gata sige tilaw kung ok na ba ang timpla. Ang gata diri naa sa lata grabe ka creamy.

Excited na ko motilaw ani ugma.

Hmm.

Natuman ra Gyud!

Dugay na nako ni nga pangandoy nga magsulat ug binisaya dinhi sa blog world. Natuman ra gyud. Lipay kaayo ko :D

Ingon ani akong smile karon. Salamat sa pic Google.

Lisod ning naa na ta sa halayong dapit kay bation jud pirmi ug kamingaw sa mga butang nga atong naandan ug ang pag storya ug binisaya ang isa sa akong gikamingawan.

Hinaut unta nga magkita-kita ta ninyo diri kung dili mo busy.

Maayong Adlaw!