Kamingaw sa Payag!

Mao ni akong drama karon (credit to the owner of this photo)

Nagkabusy ang mga pipol ngari kay Thanksgiving Day man or Adlaw sa Pagpasalamat (tama ba akong binisaya nga transalation?) pero ako wala gyud intawon kay unsaun man nga nagtrabaho man si Ricardo gikan pa gaina kadlawon unya karon gabii na siya mouli tapos kapoy kaayo siya so deretso na siya tulog. Bisag wala koy gihanda, permanente gyud nang pasalamat sa atong Ginoo hinuon pero mao lagi karon nga panahona, gibati gyud ko ug kahingawa.

Pagkapait!

Unya nakadumdum ko nga wala na man diay gatas si Ricardo (kanang ginalon nga gatas) hasta wala na pod mi bottled water mao nga nigawas ko kay aron magpalit. Paggawas nako wala gyud tawo ang karsada. 

Kinamingawan! 

Siguro nagkabusy ang mga pipol ug kaon o kaya nanghipos2x na sa kusina. Pag-adto nako sa isa ka grocery store, sirado. Nidrive na pod ko paingon sa lain nga grocery store, wala gyuy sakyanan nga nagpark sa gawas, sirado pod diay! Kaluoy pod sa akong maidlot nga bana nga kusog ra ba kaayo moinom ug gatas, ako dili gyud, ambot luod man gud, powdered milk ra gyud ko ug makainom lang kung makadumdum.

Anyway, kung sa Pilipinas pa lang ni, wa na, busy na kaayo ko sa kusina. O kaya naglaag na ko sa mga kasilinganan o kaha tua na naglaag sa akong pinakakusog nga amiga nga si Lalay... tsika2x, kaon2x unya sige katawa (dili man nuon mug-ot akong dagway karon  pero lain man pod magsmile nga ako ra isa, hahaha!) Bitaw, pero diri, wa gyuy silinganay! 

Haay.

Pagkalaay!