Monday, October 31, 2011

Pasensya Wala Mi Kendi Karon


Jun and Ate Jen
Kadtong niaging tuig diri akong mga anak sa US unya nalingaw ko ug maayo kay akong cute nga dalaga nagcostume while nanghatag ug candies sa mga trick or treaters. Pero nalisang pod ko tungod sa maskara nga gisuot sa akong gwapo nga ulitawo, pagsilib niya sa kwarto sus pirting siga sa akong mga mata kay iyang dagway ra may gipalusot, hehehe!

Karon wala mi namalit ug kendi para ipanghatag sa mga bata nga manuktok kay gusto sa akong bana nga maglamyerda na lang mi sa downtown kay day off man niya.Nisugot pod ko kay kapuy pod sige maghulat2x nga mobagting ang door bell. Sunod na lang pod pohon.

Kung naa pa lang akong mga anak, sigurado gyud ko nga naay kendi karon kay sila ra man ang tig-abri sa pultahan.

Gimingaw na nuon ko sa ila duha dah :(

Haay. Pait ning layo ta.


Thursday, October 20, 2011

Inahan Gyud Kaayo

Labadami :)
Buotan kini nga pagka inahan kay naglaba gyud. Peke na? Hahaha!  Pirting paningkamot nako ana kay mga puti baya na. Isa ray de kolor, ug kanang isa trapo mao dili pwede isagol. Hassle lang gyud kaayo maglaba kay sa gawas man gud unya ang hose pod samok kay moagi sa sala.

Ang regular nga tiglaba sa sinina sa akong mga anak wala nitunga kay nakasala ug wala na nagpakita so nagdecide ko nga ako na lay molaba kay makagamit man sa washing machine sa akong pinakakusog nga cousin nga si Carol nga naa ra pod nagpuyo sa sunod nga door. Unsa ba nga pirti man pod ka tayming nga naguba, wala na nituyok, kanang naay nagsiwil makita gamay mao na ang washing machine, wala gyud koy nahimo nabasa na man ang mga sinina, naglaba na lang gyud ko ug kinamot.  Ok na lang pod sa ako kay naanad man lagi ta.

Pero sa sulod sa hapit isa ka bulan nga nilabhanay, nagkadugo2x na gyud ang wala nako nga pulso tungod sa sige ug kuso ug tungod pod siguro sa sabon nga akong gigamit. Hapdos gyud kaayo.

Aguy, wala man diay ko kapangutana sa akong mga anak kung kinsay tiglaba nila karon! Budgetanan pa man diay sila ug washing machine, tsk tsk tsk!

Dinhi na lang sa ta taman. Sunod na pod :)


Wednesday, October 19, 2011

Kutob na lang sa Tan-aw

Saging
Lato. Slurrp.
Kinilaw
My favorite ice cream flavor
Sinabaw nga bukog sa baboy
Okra
Mangga
Nangka

Hala, dugay2x na man diay ko nga wala nakapost aning bisaya nako nga blog. Tsk tsk tsk! grabe gyud nako kabusy kintahay. Gelang, dugangan pa nako ni para pod dili laay kung naay mobasa.

Lain pay ato, mao na akong nakaon tong niuli ko sa Pinas atong niaging bulan. Daghan pa unta pero wala na nakuhaan ug piktyur.

Makalaway.

Makagutom.

Sunod na pod nga uli in God's time.